هذه اقامة اوسوق

هذه اقامة اوسوق
شي سارق شي مسروق
كيف التحت كيف الفوق
كون اعرفتك غدار
كاع مانديرك جار
اودنين الفار
هذه احكاية قديمة
كالوها ناس ازمان
اوحكياتها فينا كاتبان
آش هذه الروينة
لا حمام في خير لا كوزينة
نبادم ولا كيف لبهيمة
ماتعرف اشكون باه
لا اشكون ولدو او اشكون رباه
سمحوا لي يا الخوت
انا ودادي حتا الموت
مانبغيش يتضرب بي امثال الحوت
حوتا وحدة اتخنز الشواري
الموشكيل كلنا بها داري
ماسكينة هذه الدولة
اعلامن امعولة
احساب ساسها كنز
ساعة لقاتو كامل اخنز
كاليك البطالة في البلاد
غادة وكاتزاد
او ابنادم ولا بلا اعداد
شاد الركنة
في الخدمة يتسنة
آش هذا الحال
اتقاد الحلوف والغزال
كلشي ولا يتكال
التنمية البشرية
رجعات بالخلفية
او البلاد ولات سافل سفلية
المغريب ولا اغريب
آش هذا الزمان
الدعارة بالعلالي كاتبان
من فوق لحزام
مكاين احرام
سماوها الدعارة بالخفيف
لا دراري لا بنات
كلشي ولا كيف كيف
على شرافهم امحافظا
دخلوا الزواج متمرسات
هذا القرن الواحد و العشرين
كثرو فيه الملقطين اللي امه واحدة و باه عشرين