سجل انا بطالي

موضوع: سجل انا بطالي الإثنين أغسطس 19, 2013 5:47 pm

سجل انا بطالي
سجل انا بطالي
ورقم بطاقتي مليون الف
وشواهدي ثمانية ا
والتاسعة ستاتي بعد صيف
سجل انا بطالي
سجل انا بطالي ـ بطالي بطالي
يا المسؤول شوف من حالي
لا عمل لا خدمة
بطالي وبلا حشمة
بطالي وابحالي اكثار
كالوا اصبر** هاني صبار
ملي الصبر اطلع اكراد
كلت زعمة نخوي البلاد
بثمارة اجمعت اوريقات الباسبار
ثلاتة اشهر ونا اندور
من هذا المكتب ..لهذا المكتب
شفت الويل ..شفت العجب
شواهد الله اكثار
ابنادم ولا حكار
اقصاح قلبو ذاك الغدار
خمسة ايام شاد الركنة
كلنا ليك اتسنى شهادة السكنى
عند سعادة المقدم كتسنى
اشكون انت ..اشكون باك
فين ساكن .. اشكون رباك
انا بطالي مغربي الجنسية
بويا شيخ اكبير
كيترزق الله في الجوطية
رفضوا لي الباسبور
كالوا لي اتوخر اللور
شوفليك فين الدور
كالوا اصبر ..هاني صبار
ملي الصبر اطلع اكراد
كلت الكوميرص زينة في البلاد
بتمارة اجمعت افليسات
درت اكريرريسة من الكريرسات
انبيع والنشري في اخضيرات
لويمنات ومطيشات
في شي اسويقة من السويقات
انهار الاول داز بخير بطالي وربي اكبير
انهار الثاني داز هاني انسيت الهم ومانساني
النهار الثالت في السويقة فو المخزن مابقات ثيقة
بونية واتصرفيقة الزرواطة والسواطة
داو المطيشة داو البطاطة
ديك الشمعة ياناس اطفات
الامل تم مات
كالوا اصبر هاني صبار
ملي الصبر اطلع اكراد
مابقى قدامي غير الواد
او حبس العواد
هذا هو حالنا في هذه البلاد
البطالة ولاسعار
غادة وكاتزاد